شعر - رجب الشيخي
يابنغازي
اتعزي عليّ وساد فيك اعزازي
ياغالية بالحيل
اتدلي الرايح
وقدر الغريب ان جاك ماهو طايح
اسمك علي رباية اللي ذايح
لاجل بناسك والكرم تـمتازي
هوايا علي ميحت هواكي مايح
غيرك شهادة ما بلاد انوازي
لا بمال لا بثروة سبايك سايح
ما انبدلك بالعكس بيك انزازي
فيك احبابي
وفيك والدي وفيك حتى اصحابي
وفيـك ياعزيـزة ذكريات شبابي
بين الزها والفرح والهدرازي
نحكي عليك بفخر نلتي اعجابي
قدرك كبير ايزيد ف اعتزازي
انكمل حياتي فيك باذنه عابي
نين الغوالي ياخذوا التعازي