معروفة مالجد الجد
ومامن توا يحكوا بيها
ماتركع بنغازى ال حـد
وتاريخ ايشرف ماضيها
لقيت كل الناس سند
وين الظلم اشتدد عليها
جيـش كبير عليها انهد
ارتال وما تقدر تحصيها
فرسان ومن غير عدد
جوها من كل جلاويها
ومعاها المولى الـواحد
من ظلم الغازى حاميها

_____________________________

يا بنغازي
الله غالب شدي ماجاك
أيام عصيبة ومرن بيك
إنتي لوطحتي انطيح معاك
عرب حطت لحمول عليك
إنتي ضحيتي بكل ضناك
إنتي شلتي همك بيديك
إنتي الثورة هابا لولاك
إنتي الكبيرة في ماضيك
إنتي الرباية في مسماك
إنتي العزة مزروعة فيك
إنتي بنغازي ومن يسواك
إنتي ربي يصونك ويحميك