بنغازي حكاية عز ياجاهلها

أقرا عليها قبل وانشد هلها
،،،،،،،،،،،،،،،،،،،،،،،،،،،،،،،،
بنغازي حكاية عز
بنغازي جبل من ريح ماينهز
الذايح اتربي والعطيب اتلز
ياخذ الخير اللي ابخير نزلها
ياصونها يالم روحك فز
نارك اتلهلب فيك لو تشعلها
،،،،،،،،،،،،،،،،،،،،،،،،،،،،،،،،،
بنغازي حكاية عز ياجاهلها

أقرا عليها قبل وانشد هلها
،،،،،،،،،،،،،،،،،،،،،،،،،،،،،،،،
بنغازي جبل صوان
تكسر عليها مركب الطغيان
أقرا عليها عندها برهان
تاريخها يشهد ابزين عملها
إنشد عليها الترك والطليان
اسمله عليك انكان مستسهلها
ساعة الشدة تنقلب بركان
إنشد اوباما كلمته قايلها
وساعة اليسرى كلها بستان
بزة الشوكة فيك ماتحملها
اتصونك ان صنت اتهونها تنهان
قلبت الشنة عندها مسهلها
،،،،،،،،،،،،،،،،،،،،،،،،،،،،،،،،،
بنغازي حكاية عز ياجاهلها

أقرا عليها قبل وانشد هلها
،،،،،،،،،،،،،،،،،،،،،،،،،،،،،،،،،
انشد اللي جربها
تمهل وراجع قبل ماتقربها
تحساب تفجيرك الها يرهبها
وتحساب روحك روحها تقتلها
حسبة عطيبة حسبتك حاسبها
عقلك نهاية عيشتك عجلها
بنغازي البيت وشامخة بعربها
افداها ايطيحو وشر مايوصلها

،،،،،،،،،،،،،،،،،،،،،،،،،،،،،،،،،
بنغازي حكاية عز ياجاهلها

أقرا عليها قبل وانشد هلها